ෆෙඩරල් පාලනයකට ටී.එන්.ඒ. බලය ඉල්ලයි

 I දේශපාලන වාර්තාකරු

ශ්‍රී ලංකාවේ ඒකීය රාජ්‍ය පාලනය වෙනුවට ෆෙඩරල් පාලන ක්‍රමයක් ස්ථාපිත කළයුතු බව දෙමළ ජාතික සන්ධානය සිය ප්‍රතිපත්ති ප්‍රකාශනය මගින් අවධාරණය කර තිබේ. ඔවුන් උතුරු නැගෙනහිර ප්‍රශ්නයට විසඳුම ලෙස යෝජනා කරන්නේ එක්සත් ශ්‍රී ලංකාවක් තුළ ෆෙඩරල් විසඳුමකි.

උතුරේ හමුදා කටයුතු සීමා කිරීම, යුද්ධයේ අවසන් භාගයේ සිදුවීම් ගැන ජාත්‍යන්තර පරීක්ෂණයක් කිරීම, උතුරු නැගෙනහිර ප්‍රදේශවල අන්‍යාගමික ස්ථාන ඉදි නොකිරීම වැනි ප්‍රතිපත්ති සමුදායක්ද ඔවුන් සිය ප්‍රතිපත්ති ප්‍රකාශනය මගින් සඳහන් කර තිබේ.

ඔවුන්ගේ මෙම ප්‍රතිපත්ති පසුගිය රජය යටතේ නව ව්‍යවස්ථාවක් සම්පාදනය සඳහා පත්කළ ව්‍යවස්ථා සම්පාදන කමිටුවටද ඉදිරිපත් කළ නමුත් මෙම යෝජනා එහිදීත් පිළිගැනීමට ලක්වූයේ නැත.