2017 ජනවාරි 03 වන අඟහරුවාදා
සිඳු තෙර
2017 ජනවාරි 03 වන අඟහරුවාදා, පෙ.ව. 11:30 120
රන් තාරුකා හිනැහෙන රැයේ
ප්රියයාණෙනි නුඹ කොහි ගියේ
සඳ රැස් වැටී විල් දිය දිලේ
කුසුමක් ලෙසේ කිම නොපිපුණේ
හැන්දෑකරේ වීදීය දිගේ
මං තනියමයි ඇවිදන් ගියේ
මතකෙට ඇවිත් සුළඟක් ලෙසේ
රහසින් කියන් කොහි සැඟවුණේ
කළු දළ මලක් මට හිනැහුණේ
ප්රියයාණෙනි ඒ නුඹ නොවේ
නික්මී ගොසින් වස්සානයේ
ගිම්හානයේ ගී නොගැයුනේ
අත්තටු අරන් සමනළ සරින්
මගෙ සිහිනයෙන් ඇයි ඉගිලුණේ
නිම් නැති සෙනේ දුප්පත් මගේ
ප්රියයාණෙනි ඇයි නොදැනුණේ
පාළුව දරා මං හිනැහුණේ
අහුරක් අරන් විසිකර හදේ
මන්දිර තැනූ සෙනෙහස් දියේ
සුබ ප්රාර්ථනා නලියනු පෙනේ
♦ SAARA