සිඳු තෙර

වැස්සකට අඬගසන නුඹේ කවි හිත එක්ක 
කතා අහුරක් අරන් රහසේම මා ඇවිත් 
නුඹේ උරහිස දෙන්න මහන්සියි හොඳටෝම 
ජීවිතේ හුඟක් දුර මම ඇවිත් තනියෙන්ම 

සඳේ මුදු රැස් විඳින එකෝමත් එක දාක 
හීන රෑනක් ඇවිත් ඇස් පියන් අගිස්සට 
ස්නේහයේ මල් පිපුණු මල් යාය කෙළවරක 
හිටියෙ අපි විතරමයි සීත සුළඟත් එක්ක 

තරු සිනාසෙන රැයක ආදරෙන් අහස යට 
අනුරාග හාදුවක් තබා ළය කෙළවරක 
ආදරය වෑස්සෙන බැල්මකින් වෙළීගෙන 
පපුතුරේ නිදි වැරූ රාත්‍රිය හරි දිගය 

ලියූ පෙරවදන් නැත ජීවිතය උදෙසාම 
අත්හැරුණේ ආදරය නොවේ මට ජීවිතය 
ගිරිහිසක මුදුන හිඳ ළපලල්ට පෙම් බඳින 
වනස්පති සිහිනයක සිත තවම තනිකඩය 

Saara