රුව දැකීම

රන් හැට්ටය ඇඳ

රන් පටියෙහි

දිග කඩුව බැඳ
අසු පිට නැඟු‍ණු කුමාරයා
ගම් නියම් ගම් රාජධානි
පසුකොට ගියේය.
පස් වසක් ගමන් කළ ඔහු
විවාහ කොටගත් කුමරිය
ගෙන ඒමට
තව පස් වසක් ගත විය.
එවැනි රුවක් නොදිටිමු” යි
ඈ ගෙනා දින
පුර වැස්සෝ කීහ.
එදින සවස් කල
පුර දොර අසලදී
රජ ගෙදර
දොරටු පල්ලාගේ දුව
භද්‍රා
කුමරුට හමු විය.
තී කවුරුදැ” යි
ඔහු විස්මයෙන් ඇසී ය. 
තිගේ වැනි රුවක්
මම කිසි කලක නොදිටිමි.

ජී.බී. සේනානායක
(පලිගැනීම,1946)