සුනිල් සිරිසේනගෙන් ඉරි සහ තවත් ඉරි

 

සුනිල් කෙමෙන් ජිවිතයේ සැඳෑ සමයට ළඟාවෙමින් සිටින බව ඔහුගේ කාව්‍ය රචනා කිහිපයකින්ම කියැවෙයි. ඒ ඔහුගේ කවි කියැවීමේදී මා තුළ ඇති වූ අදහසකි. එසේම දිගු දිවිගමනේදී මුහුණ දුන් විවිධාකාර අත්දැකීම් කවියට නගන්නට ඔහු උත්සාහ කර ඇත. ඒ සඳහා කවියා සිව්පද ආකෘතිය මෙන්ම මෙකල ජනප්‍රිය නිදහස් සම්ප්‍රදාය ද අනුගමනය කරයි. එළිසම සිව්පද කවි ලීවිම ඔහුට ඉතා හුරුපුරුදු බවක් මෙහි ඇතැම් පද්‍ය රචනාවලින් පැහැදිලි වෙයි. 1970-80 දශකයේ පේරාදෙණි සරසවියේ ගුරුවරුන් හා සිසුන් අතර බෙහෙවින් ජනප්‍රිය වූ සිරි ගුණසිංහ, ගුණදාස අමරසේකර හා මහගම සේකර වැනි කවීන්ගේ ආභාසය සුනිල්ටද නොඅඩුව ලැබී ඇතැයි සිතෙයි. ඔහුගේ හැම කවියකම මෙන් පැහැදිලි අදහසක් ඇත. ඒ කවිවල කිසියම් නැවුම් බවක් ද කියවීමට රුචියක් දනවන යෙදුම්, උපමා රූපක හා අදහස් ගැබ්ව ඇත. 

 

එළිසම සිව්පද ආකෘතිය සුනිල්ට කොතරම් හුරුපුරුදු ද නැත්නම් කොතරම් පහසුවෙන් ඔහු එය හසුරැවන්නේ ද යනු මේ උද්ධෘතවලින් පැහැදිලි වනු ඇත

 

 

 

සුනිල් සිරිසේනයන් නිදහස් ආරෙන් ලියා ඇති කවිවල සියුම් ලෙස ධ්වනිතාර්ථ  නැංවෙන සේ කාව්‍යොක්ති භාවිත කර ඇති අයුරැ මේ නිදසුන්වලින් පැහැදිලි වනු ඇත.

 

 

මේ කාව්‍ය සංග්‍රහයට නම ලබාගත් රචනාව සම්පූර්ණයෙන්ම කියවා බලමු. 

 

 

පාඨකයාට කාව්‍ය රචනා කියවීමෙන් නව අත්දැකීම් සමුදායක් බෙදාගනිමින්ˎජීවිතය හා සමාජය ගැන අලුතින් යමක් සිතන්නට, ඉගෙන ගන්නට ඉඩ ලැබෙන රචනා කිහිපයක්ම සුනිල් සිරිසේනයන්ගේ ඉරි සහ තවත් ඉරි කාව්‍ය සංග්‍රහයේ ඇතුළත් වෙයි. බොහෝ  ආගමික සමාජයීය කටයුතුවල තවමත් නිරතව සිටින, පුළුල් ක්ෂේත්‍රයක අත්දැකීම්  බහුල, විවිධ කලා නිර්මාණ කුසලතාවෙන් යුත් සුනිල් සිරිසේනයන්ගේ පන්හිඳෙන් තව තවත් අනගි නිර්මාණ බිහි වී සිංහල කාව්‍ය සාහිත්‍යයේ පවතින අඳුර දුරුවේවායි පතමි.