ප්‍රහාරක නැවකට කිම් ඉදිරියේදීම හානි වෙයි!

උතුරු කොරියානු නව ප්‍රහාරක නෞකාවක් දියත් කිරීමේ උත්සවයක් අතරතුර ‘උත්තරීතර’ නායක කිම් ජොන් උන් ඉදිරිපිටදීම දරුණු ලෙස වැරදී ගියේය. ටොන් 5,000 ක් බර නෞකාව නිසි ලෙස දියත් කිරීමට අපොහොසත් වීමෙන් පසු දැඩි ලෙස හානි වන ආකාරය දෙස කිම් භීතියෙන් බලා සිටියේය.

ඔහු මෙම අනතුර ‘ඉවසිය නොහැකි’ ‘සම්පූර්ණ නොසැලකිලිමත්කම නිසා ඇතිවූ අපරාධකාරී ක්‍රියාවක්’ ලෙස ප්‍රකාශ කර තිබුණි. නිල කොරියානු මධ්‍යම ප්‍රවෘත්ති ඒජන්සිය (KCNA) ට අනුව, ජූනි මාසයේ පක්ෂ රැස්වීමකට පෙර විනාශකාරකය ප්‍රතිසංස්කරණය කරන ලෙස කිම් නියෝග කර ඇත. බදාදා පැවති උත්සවය අතරතුර ‘බරපතළ අනතුරක් සිදු වූ’ බව එම ආයතනය තහවුරු කළේය.