ජබාලියා යුද අපරාධය!

ඔක්තෝබර් 7දා දකුණු ඊශ්‍රායලයට මාරාන්තික දේශසීමා ප්‍රහාරයක් එල්ල කිරීමෙන් පසු හමාස් සටන්කාමීන්ට එරෙහිව ඊශ්‍රායලය, ගොඩබිමෙන්, මුහුදෙන් සහ ගුවනින් ජනාකීර්ණ ගාසා තීරයට බෝම්බ හෙළීය. ගාසා තීරයේ විශාලතම සරණාගත කඳවුර වන ජබාලියා වෙත ඊශ්‍රායලය ප්‍රහාරයක් එල්ල කළේ ඒ අතරය. එක්සත් ජාතීන්ගේ මානව හිමිකම් නිලධාරීන් පැවසුවේ මෙම මෙහෙයුම යුද අපරාධයක් බවයි. “එය සමූල ඝාතනයක්,” යැයි ප්‍රහාරයේ ඇසින් දුටු සාක්ෂිකරුවෙක් මාධ්‍ය වෙත පැවසීය. හමාස් සංවිධානය හිතාමතාම සිවිල් ගොඩනැගිලි, අවට සහ ඇතුළත තම ත්‍රස්තවාදී යටිතල මධ්‍යස්ථාන ගොඩනගමින්, ගාසා හි සිවිල් වැසියන් හිතාමතාම අනතුරේ හෙළන බව ඊශ්‍රායලය කියයි.