ගිනි කන්දක් මත ගුවන් යානයක් කඩා වැටෙයි!

පිලිපීනයේදී කඩාවැටුණු සැහැල්ලු ගුවන් යානයක සිටි පුද්ගලයින් සිව්දෙනාම මියගොස් ඇත. මේ කඩාවැටීම සිදුව තිබුණේ සක්‍රීය වෙමින් තිබූ ගිනි කන්දක් මත සෝදිසි මෙහෙයුමක යෙදී සිටියදීය.

ගුවන් නියමු Rufino James Crisostomo Jr., කාර්ය මණ්ඩල සාමාජික Joel Martin සහ ඕස්ට්‍රේලියානු තාක්ෂණික උපදේශකයින් වන Simon Chipperfield සහ Karthi Santhanam යන අයගේ සිරුරු මවුන්ට් මයොන් ගිනිකන්දෙන් සොයාගෙන ඇත. මෙම සිව්දෙනාම මැනිලාහි භූතාපජ සමාගමක් වන Energy Development Corp. හි සේවකයින්ය.

පිලිපීනයේ සිවිල් ගුවන් සේවා අධිකාරියට අනුව, ආසන හයකින් යුත් Cessna 340 ගුවන් යානය සෙනසුරාදා ඇල්බේ පළාතේ Bicol ජාත්‍යන්තර ගුවන් තොටුපළෙන් පිටත් වූ පසු ගුවන් ගමනාගමන පාලනය සමඟ සම්බන්ධතා නැතිව ඇත.