ඩා වින්චිගේ චිත්‍ර පිටපතක් ළඟ තවත් විරෝධයක්!

ලන්ඩනයේ රාජකීය කලා ඇකඩමියේ ප්‍රදර්ශනයට තබා තිබූ ඉතාලි නව ශිල්ප කලා පුනරුදයේ පියා ලෙස සැලකෙන ලියනාඩෝ ඩා වින්චිගේ සිසුන් දෙදනකු විසින් පින්තාරු කරන ලද බව කියන The Last Supper සිතුවමේ පිටපතක් පසුගිය සතියේ පාරිසරික ක්‍රියාකාරීන්ගේ විරෝධතාවකට ගොදුරුවිය. Just Stop Oil (JSO) නමැති පරිසර ව්‍යාපාරයේ ක්‍රියාකාරීන් එම සිත්තමේ රාමුවට තමන් අලවා ගැනීමෙන් අමුතු විරෝධතාවක නිරත වූහ. ක්‍රියාකාරීන් විසින් චිත්‍රයට යටින් නව තෙල් කැණීම් එපා යන ඉල්ලීම සුදු පැහැයෙන් ස්ප්‍රේ කර තිබූ බව ගැලරියේ ප්‍රකාශකයෙකු කීය.

මිලාන්හි Santa Maria delle Grazie දෙව්මැදුරේ බිතු සිතුවමක් ලෙස 1495 සහ 1497 අතර, ලෙනාඩෝ මුලින් &අවසාන රාත්‍රී භෝජන සංග්‍රහය* නිර්මාණය කරන ලද අතර, එය යේසුස් තම ගෝලයන් 12 දෙනාගෙන් එක් අයෙකු විසින් පාවාදෙන බව පවසන මොහොත නිරෑපණය කරයි. පසුව ඩා වින්සිගේ ගෝලයන් වන Giampietrino සහ Giovanni Antonio Boltraffio, විසින් ඉන් වසර 15 කට පමණ පසුව මේ සිත්තම පින්තාරු කරන ලද බව කියයි.

Just Stop Oil විරෝධතාකරුවන් එක්සත් රාජධානියේ රජයට අනාගත තෙල් සහ ගෑස් නිස්සාරණය සඳහා කැණීම් බලපත්‍ර අවහිර කරන ලෙස ඉල්ලා සිටින අතර දේශගුණික විපර්යාසවල බලපෑම් මන්දගාමී කිරීමට පියවර නොගතහොත් ඇතිවිය හැකි දරුණු අනාගතයක් ගැන අනතුරු අඟවයි. විරෝධතාකරුවන් හතර දෙනෙකු පැය තුනකට වැඩි කාලයක් චිත්‍රය තැන්පත් කර ඇති කාමරයේ රුඳී සිටි අතර, විරෝධතාව හේතුවෙන් ලන්ඩනයේ රාජකීය කලා ඇකඩමිය මහජනතාවට වසා දමා තිබුණි. ඔවුන් පොලීසිය විසින් ඉවත් කිරීමට පෙර, ගැලරියට අනුව. මෙම සිතුවමේ තත්ත්වය රාජකීය විද්‍යාපීඨ සංරක්ෂණ නිලධාරීන් විසින් තක්සේරු කරමින් පවතින බවද එම ප්‍රකාශකයා වැඩිදුරටත් පැවසීය.

මෙම කණ්ඩායමේ සාමාජිකයින් සුප්‍රසිද්ධ කලා කෘතියකට අනුයුක්තව සිදුකළ මෙම විරෝධතාව පසුගිය සතිය තුළ ඔවුන් පැවැත්වූ විරෝධතා මාලාවේ පස්වැනි අවස්ථාවයි. පෙර සිදුවීම්වලදී ලන්ඩනයේ කෝටෝල්ඩ් ගැලරියේ තබා තිබූ වින්සන්ට් වැන්ගෝ විසින් කළ නිර්මාණයක් සහ මැන්චෙස්ටර් කලාගාරයේ තිබු JMW ටර්නර්ගේ, චිත්‍රයක්ද  සම්බන්ධ විය. ජස්ට් ස්ටොප් ඔයිල් කණ්ඩායමේ මේ සිද්ධිය ඉකුත් ඉරිදා සිල්වර්ස්ටෝන් ධාවන පථයේ වාඩි වී ෆෝමියුලා 1හි බ්‍රිතාන්‍ය ග්‍රෑන්ඩ් ප්‍රී නැරුඹීමට සිටි පිරිසටද බාධා කළේය.