න්‍යෂ්ටික ප්‍රහාර ගැන උතුරු කොරියාව පුරසාරම් දොඩයි!
න්‍යෂ්ටික අවි සහ උසස් මිසයිල අත්හදා බැලීම්වලින් ''ලෝකය හොල්ලමින්'' එක්සත් ජනපදයට එරෙහිව නැගී සිටින එකම රට තමන් බව උතුරු කොරියාව අඟහරුවාදා පුරසාරම් දෙඩුවේය.
එක්සත් ජාතීන්ගේ ආරක්ෂක කවුන්සිලය විසින් දීර්ඝ කාලයක් තිස්සේ තහනම් කරන ලද උතුරු කොරියානු බැලස්ටික් මිසයිල අත්හදා බැලීම් මාලාවක් සම්බන්ධයෙන් ජාත්‍යන්තර ආතතිය මේ වනවිටද ඉහළ යමින් තිබේ. ජනවාරිය එවැනි පරීක්ෂණ සඳහා වාර්තාගත මාසයක් විය. අවම වශයෙන්, නව වර්ගයේ ''හයිපර්සොනික් මිසයිලයක්'' ඇතුළුව, පැසිෆික් සාගරයේ එක්සත් ජනපද භූමි ප්‍රදේශවලට පහර දිය හැකි Hwasong-12 අතරමැදි පරාස බැලස්ටික් මිසයිලයක්ද මිසයිල හතක්වත් පරීක්ෂාවට ලක්විණි. උතුරු කොරියාව විසින් මෙතෙක් දියත් කරන ලද දීර්ඝතම දුරක් යන අන්තර් මහද්වීපික බැලස්ටික් මිසයිලය (ICBM) වන Hwasong-15 ද එයට අයත්ය.
උතුරු කොරියාවේ විදේශ අමාත්‍යාංශයේ ප්‍රකාශයක් පැවසුවේ අලුත් අවුරුද්දේ සිට සිදුකරන ලද පරීක්ෂණ මාලාවක් මගින් උතුරු කොරියාවේ ''යුද වැළැක්වීමේ'' ශක්තිය පිළිබඳ ''විශිෂ්ට ජයග්‍රහණ'' නියෝජනය කරන බවයි.
