නිළියක් කූඩූ කළ මාධ්‍ය මෙහෙයුම!
බොලිවුඩ් තරුවක් වූ සුෂාන්ත් සිං රාජ්පුත්ගේ මරණය සම්බන්ධයෙන් සාධාරණ පරීක්ෂණයක් පවත්වන ලෙස ස්වදේශ කටයුතු අමාත්‍ය අමිත් ෂා වෙත පෙත්සමක් ද ඉදිරිපත් කළ බොලිවුඩ් නිළි රියා චක්‍රවර්ති දැන් ඉන්දියාවේ මත්ද්‍රව්‍ය පාලන අධිකාරිය (NCB) විසින් අත්අඩංගුවට ගෙන තිබේ. සිය නළු පෙම්වතා වන සුෂාන්ත් සිං රාජ්පුත්ට මත්ද්‍රව්‍ය මිලදී ගැනීමේ චෝදනාව මතය.
34 හැවිරිදි රාජ්පුත් ජුනි 14 වන දින මුම්බායි හි පිහිටි ඔහුගේ මහල් නිවාසයේ මියගොස් සිටියදී සොයා ගන්නා ලදී. ඔහු සියදිවි නසාගත් බව පොලිසිය පවසයි. රාජ්පුත් ගංජා පරිභෝජනය කළ බවට චෝදනා එල්ල වී තිබේ. සැකය එල්ල වූයේ ඔහුගේ පෙම්වතිය රියා චක්‍රවර්ති වෙතය. මේ සැකය පැතිරවූයේ මාධ්‍ය ජාලා වලිනි. එම ජාල ජංජාලයට හසුව රියා දැන් නැවතී ඇත්තේ කූඩුවේය.
මාධ්‍ය වාර්තා අනුව රියා චක්‍රවර්ති සහ රාජ්පුත් 2019 ගිම්හානයේදී පෙම් සබඳතාවක් ආරම්භ කළ අතර දෙසැම්බර් මාසයේදී එකට ගමන් කළහ. රාජ්පුත්ගේ මරණයට සතියකට පෙර, ජූනි 8 වන දින චක්‍රවර්ති සිය දෙමාපියන් සමඟ නැවතී සිටීමට ගිය අතර නළුවා මිය යන විට රියා නිවසේ සිටියේ නැත. කෙසේ වෙතත්, ඔහුගේ පවුලේ අය සියදිවි නසා ගැනීමට ඔහුට රියා චක්‍රවර්ති අනුබල දුන් බවට චෝදනා කරමින් පොලිස් පැමිණිල්ලක් ගොනු කළහ.
ඔහුගේ මරණයෙන් පසු පුවත්පත්වල පළ වූ වාර්තා අනුව ඔහු මානසික සෞඛ්‍ය ගැටලු සම්බන්ධයෙන් කටයුතු කර ඇති බව සඳහන් වේ. නමුත් දින කිහිපයක් ඇතුළත රියා චක්‍රවර්ති වෙත අවධානය යොමු වූ අතර, 28 හැවිරිදි නැගී එන නිළිය ඉතා ඉක්මනින් චෝදනා, කුමන්ත්‍රණ න්‍යායන්, කටකතා සහ තහවුරු නොකළ වාර්තාවල කුණාටුවක කේන්ද්‍රස්ථානයට පත් වූවාය.
ප්‍රයිම් ටයිම් රෑපවාහිනී ප්‍රවෘත්ති සෑම වර්ධනයක්ම ආවරණය කරමින් රාජ්පුත් සහ චක්‍රවර්තිගේ පෞද්ගලික ජීවිතය ප්‍රසිද්ධ විවාදයට භාජනය කළේය. මෙම නඩුව ආවරණය කිරීමේදී බොහෝ ප්‍රවෘත්ති නාලිකාවලට විෂමාචාර චෝදනා එල්ල වී තිබේ.
දැන් ඇය අත්අඩංගුවට ගත් මත්ද්‍රව්‍ය පාලන කාර්යාංශය (එන්.සී.බී.) වැඩිදුර ප්‍රශ්න කිරීම සඳහා චක්‍රවර්ති රඳවා තබාගන්නා ලෙස අධිකරණයෙන් ඉල්ලා සිටියේය. ‘ඇය ක‍්‍රියාකාරී මත්ද්‍රව්‍ය ජාලයක කොටස්කාරියක් ලෙස‘ ඔවුන් විසින් හඳුන්වා ඇත. මහේස්ත්‍රාත්වරයා ඇගේ ඇප ඉල්ලීම ප්‍රතික්ෂේප කළ අතර ඇයව සැප්තැම්බර් 22 දක්වා අධිකරණ භාරයට පත් කර ඇත.
