ඔන්න ඔහොමලු වුණේ!
අර රටේ ඉහළ තැනක උපදේශක කටයුත්තක ඉඳලා මේ ළඟකදි අලි ජංජාලයක් කර ගත්ත මහැදුරැතුමෙක්ගේ සිදුවීම ගැන මාධ්‍යයට ලොකූ අනාවරණයක් කිරීම ගැන හැමෝම කතා වෙනවා. මේ මාධ්‍ය සාකච්ඡාව කළේ දුරකථන පාටියේ කොළොන්නාව පැත්තෙ නෝන එක්ක තවත් නෝන කෙනෙක්.
කොහොම හරි දැන් මේක හොයන් හොයන් යනකොට මේක ඒ මහැදුරුතුමාගෙයි, ඔය කතා කරපු නෝනල දෙන්නගෙන් කෙනකුයි අතර හටගත්ත සල්ලි හුටපටයක් නිසාලු වෙලා තියෙන්නෙ. මේ හුටපටේ නිසා ඒ නෝන සම්බන්ධව මහැදුරුතුමා උසාවි යන්න ලෑස්ති වෙලාලු ඉඳලා තියෙන්නෙ. ඒ තියෙද්දි තමයිලු මේක කරල තියෙන්නෙ.
ඒත් සිදුවීම ඒක නෙමෙයි. මහැදුරුතුමාගේ පෞද්ගලික ජීවිතේ වෙනුවෙන් මේ විදිහට මාධ්‍ය සාකච්ඡාවක් තිබ්බ කොළොන්නාවේ ඇත්ති ගැන පක්ෂයේ අභ්‍යන්තරයේ ලොකු අවුලක්ලු. මොකද පක්ෂයේ ලොකු ලොක්කො නොදැනගෙන මේ කරන වැඩ නිසා පක්ෂයෙ නමත් කැත වෙනවා කියලා හැමෝම කිව්වලු. අනික මේ රටේ වැදගත් ප්‍රශ්න තියෙද්දි පවුල් ආරවුල් අල්ලන් කරපු වැඩේ ගැන හැමෝම විරුද්ධලු. හැමෝම කියන්නෙ මහැදුරුතුමා ඒ හැමෝගෙම කාලයක් මිත්‍රයෙක් නිසා මේ කරපු වැඩේ කැතයි කියලා කස්ටියක් ඒක ගැන ඔය පාටියෙ ලොකු තැනටත් පැමිණිලි කරලලු.