සුපිිරි ගැටුම අද ටිකට් සේරම ඉවරයි

I දේශපාලන වාර්තාකරු

ආසියානු කුසලාන අවසන් මහා ක්‍රිකට් තරගය ශ්‍රී ලංකාව සහ ඉන්දියාව අතර අද දින පැවැත්වෙයි. පසුගිය බ්‍රහස්පතින්දා පැවති අවසන් පූර්ව වටයේ (සුපිරි සිව්දෙනාගේ වටයේ) තරගයෙන් පකිස්ථානය පරදා ශ්‍රී ලංකාව අවසන් මහා තරගයට සුදුසුකම් ලැබීය.

ශ්‍රී ලංකාව ආසියානු කුසලාන අවසන් මහා තරගයට සුදුසුකම් ලැබූ 13 වැනි අවස්ථාව මෙයයි. පසුගිය වර පැවති ආසියානු කුසලාන අවසන් මහා තරගයේදී ආසියානු කුසලානය දිනාගත්තේද ශ්‍රී ලංකාවයි.

අද සවස 3.00 ට කොළඹ ආර්. ප්‍රේමදාස ක්‍රීඩාංගණයේදී ආරම්භ වන ආසියානු කුසලාන අවසන් මහා තරගයේ ටිකට්පත් සියල්ල විකිණී අවසන් බව වාර්තාවෙයි.