මැතිඇමැතිලාට ආදායම් බද්දෙන් ලොකු සහනයක්

පසුගියදා කළුතර දිස්ත්‍රික් පාර්ලිමේන්තු මන්ත්‍රී ජගත් විතාන මහතා ප්‍රසිද්ධියට පත් කරන ලද මන්ත්‍රීවරුන්ගේ මාසික වැටුප් වාර්තාව අනුව සාමාන්‍ය ජනතාවගෙන් අය කරන ආදායම් බද්දට වඩා විශාල වශයෙන් අඩු බද්දක් මැති ඇමැතිවරුන්ගෙන් අය කරන බව බ්‍රිතාන්‍ය ගුවන්විදුලිය විශේෂ වාර්තාවක් පළ කරමින් හෙළිදරව් කරයි.

එහි සඳහන් වන ආකාරයට මන්ත්‍රීවරයකුගේ සාමාන්‍ය වැටුප සියලු‍ දීමනා ද එක්ව ගත් කල මසකට රුපියල් 3,27,713/- කි. එයින් ආදායම් බදු ලෙස අයකර ඇත්තේ රුපියල් 3720/- කි. එහෙත් සාමාන්‍යයෙන් රුපියල් ලක්ෂ 3 ක වැටුපක් ලබන වෙනත් සේවකයකුගෙන් මාසිකව අය කරන ආදායම් බද්ද රුපියල් 20,000 කි. කවර හේතුවක් නිසා මෙලෙස මැති ඇමැතිවරුන්ට විශාල බදු සහනයක් ප්‍රදානය කර තිබේද යන්න පැහැදිලි නැති බවත් එම වාර්තාව කියයි.