එහෙව් පලිගැනිල්ලක්! BADLA

මේ ජනාකීර්ණ නගරයක් පිහිටි නිවසක් තුළ සිදුවීමක්. යුරෝපීය ඇඳුමින් සැරසුනු මැදිවියේ පුද්ගලයෙක් මේ නිවසේ දොර ඉස්සරහ හිටන් ඉන්නවා. ඇයට ටික දවසකට කලින් සිදුවුනු දෙයක් ඔහුව දකිද්දීම මතක වෙනවා.
නෛනා සෙතී - කවුද ඒ?

අර්ජුන් - සාක්ෂි ලෑස්ති කරන්න ඉන්න අති දක්ෂයෙක්. අවුරුදු හතළිහක් තිස්සේ එයා එක එකම නඩුවකින්වත් පරාද වෙලා නැහැ.
අර්ජුන් කිව්ව ඒ කතාව නෛනා සෙතීට මතක් වෙන්නේ මේ දැන් සිද්ධවුණු කතාබහක් වගේ. ඇය දොර ඇරලා ඒ නීතීඥ බාදල් ගුප්තව නිවස තුළට ගන්නවා. ඔහු සුඛෝපභෝගී පුටුවක වාඩිවෙලා ඇය එක්ක කතාබහ කරමින් ඉන්නවා.
බාදල් - මොනවද කියන්නේ ඒකයි මට ඇත්තක් වෙන්නේ.

ඒ හින්දා හැම දෙයක්ම කියන්න. ඉතාම පොඩි දේ ඉඳන් ලොකුම දෙයක් වෙනකම් හැම දෙයක්ම මඟහරින්නේ නැතුව කියන්න.
නෛනා - අර්ජුනුයි මමයි මාස තුනක ඉඳන් එකට හිටියේ. කවුරු හරි ඒක දැනගෙන අපි දෙන්නව බ්ලැක්මේල් කරන්න පටන් ගත්තා. දවසක් එකපාරටම මගේ ඔළුව කණ්ණාඩියේ හප්පවලා මාව සිහි නැති කළා. සිහිය ඇවිල්ලා බලද්දී ලේ පෙරාගෙන අර්ජුන් වැටිලා හිටියා. කවුදෝ කෙනෙක් ආපහු පාරක් එයාට වෙඩි තියලා පැනලා ගියා හිතාගන්නත් බැරිතරම් වේගයකින්. මාව පොලීසිය අත්අඩංගුවට අරගෙන හෙලිකොප්ටර් එකකින් අරගෙන ආවා.
බාදල් - ඔයා අර්ජුන්ට අවංකවම ආදරේ කළාද? නැත්නම් ඒක සම්බන්ධයක් විතරයිද?

නෛනා - මං ආදරේ කළේ මගේ හස්බන්ඩ්ටයි මගේ දුවටයි විතරයි.

බාදල් - මට අහන්න තව ප‍්‍රශ්න තුනක් තියෙනවා. ඒ මැසේජ් එක ඔයාගේ සෙල්ෆෝන් එකට ආවේ කොහොමද? බ්ලැක්මේලර් සල්ලි ගෙනියන්න ආවට සල්ලි ගෙනියන් නැතුව යන්න ගියේ ඇයි? වහලා තිබුණු කාමරයකට එයා ආවා නම් ගියේ කොහොමද? 

නෛනා - ඒ හැමදෙයක්ම බොහොම පරෙස්සමට සැලසුම් කරලා.
බාදල් - කවුද ඔයාව ඒකට පටලවන්න හදන්නේ?

නෛනා - අයි ඩෝන්ට් නෝ. මං ඒකට පැටලෙනවා. ඒ දේ කළ කෙනා බේරිලා පැනලා යනවා. 
බාදල් - මෝඩයෝ තමයි ඇත්තම විතරක් දන්නේ. ඇත්ත කිසිවෙලාවක බොරුවේ වෙනස නැහැ දන්නේ. මං දැන් කරන්නේ ඔයා පෙන්නුව දේද එහෙම නැත්නම් මං දකින්න අකමැතිදේද? පලිගන්න එක හොඳ දෙයක් නෙවෙයි... ඒ වගේම  සමාව දෙන එකත් හැම වෙලාවකම හරි දෙයක් නෙවෙයි.

ටිකක් අමුතු කතාවක් නේද? මේ ඔබ කියෙව්වේ 2019 මාර්තු 08 වැනිදා තිරගත වෙන්න තියෙන බද්ලා කියන හින්දි සිනමාපටයේ කතා සාරාංශයයි. බද්ලා කියන්නේ පලිගැනීම කියන තේරුමටයි. බද්ලා හින්දි සිනමාපටය සුජෝයි ඝෝෂ් විසින් අධ්‍යක්ෂණය කරලා තියෙන අතර එය නිෂ්පාදනය කරලා තියෙන්නේ ශාරැක් ඛාන්ගේ බිරිඳ වන ගෞරී ඛාන් සහ සුනිර් ඛේටර්පාල්, ආක්ශායි පූරි සහ ගෞරව් වර්මායි. බාදල් හින්දි සිනමාපටය සුජෝව් භෝෂ් සහ රාජ් වසන්ත් විසින් ලියා තියෙන අතර මේ සිනමාපටයේ කතාව ඔරිඔල් පාවුලොගේ කියලා තමයි කියන්නේ. මේ සිනමාපටයේ ගී පද කුමාර් විසින් ගලපා තියෙන අතර ඒවා හැඩකරන්න සප්ත ස්වරයෙන් හැඩකරලා තියෙන්නේ ක්ලින්ටන් සෙරිජෝ, අනූපම් රෝයී සහ අමාල් මල්ලික් විසිනුයි.  

වැදගත්ම කාරණය තමයි බද්ලා හින්දි සිනමාපටය තිරගත කරන්නේ ජාතික කාන්තා දිනය යෙදී තියෙන මාර්තු 08 වැනිදාටයි. දැන් ඔබට කියන්න හදන්නේ බාද්ලාහි ගුප්තාගේ චරිතය හැඩකරන්න ඊට පණපොවන ඔහු ගැනයි. මෙන්න මේ සිනමාපටවලින් ඔබ ඔහුව දැකලා තියෙනවා. බලන්න මේ නම් ටික දැක්කම් ඔහුව ඔබගේ මතකයට නැගෙනවද කියලා.

Anand (1971), Zanjeer (1973), Sholay (1975), Don (1978), Agneepath (1990), Black (2005), Paa (2009), Piku (2016) Deewaar (1975) Sholay (1975), 1974.Majboor, 1975, Chupke Chupke ,Faraar , Mili, Kasme Vaade (1978) Don (1978),Dostana1981,Shaan (1980), Ram Balram (1980), Naseeb (1981), Lawaaris (1981), Kaalia (1981), Yaarana (1981), Barsaat Ki Ek Raat (1981) Shakti (1982), Miyan Chote Miyan (1998) Major Saab (1998), Sooryavansham (1999), Lal Baadshah (1999) Hindustan Ki Kasam (1999), 2000 Mohabbatein, Ek Rishtaa: The Bond of Love (2001), Kabhi Khushi Kabhie Gham(2001) Baghban (2003), Aks (2001), Aankhen (2002), Kaante (2002), Khakee (2004) Dev (2004), Black (2005), Kabhi Alvida Naa Kehna (2006).Baabul (2006), Ekalavya, Nishabd (2007)

ඒ ඔබට කිව්වේ ඔහු රංගනයෙන් දායක වුණු සිනමාපට විශාල සංඛ්‍යාවකින් අතලොස්සක් පමණයි. 1942 ඔක්තෝබර් 11 වැනිදා ඉන්දියාවේ උත්තර් ප‍්‍රදේශ්වල ඒ කාලේ හැටියනම් බ‍්‍රිටිෂ් ඉන්ඩියාව, උනයිටඩ් ප්‍රොවින්ස්වල අලහාබාදවල තමයි ඔහු ඉපදුණේ. ඒත් අද වනවිට නම් ඒ ප‍්‍රදේශය හඳුන්වන්නේ උත්ත‍ර් ප‍්‍රදේශ්හි ප‍්‍රයාග‍්‍රාජ් විදියටයි. අද වෙනකොට මේ ජ්ක් කියන කෙනා ඉන්දියාවේ මහාරාෂ්ට‍්‍රා ප‍්‍රාන්තයේ මුම්බායිහි ජූහූවල ජල්සා කියන බංගලාවේ තමයි දිවි ගෙවන්නේ. 1969 වසරේ පටන් හින්දි සිනමාව ඔහු නියෝජනය කරන්නේ නළුවෙක්, නිෂ්පාදකයෙක්, ගායකයෙක්, රෑපවාහිනී වැඩසටහන් ඉදිරිපත් කරන්නෙක් හා කොම්පෝසර් කෙනෙක් විදියටයි. ඇන්ග‍්‍රී යන්ග් මෑන්, ශාහෙන්ශාහ ඔෆ් බොලිවුඩ්, ස්ටාර් ඔෆ් ද මිලේනියම් සහ බිග් බී කියන අන්වර්ථ නාමයන්ගෙන්ද හඳුන්වන ඔහුට 2015 දී පද්ම විභූෂන් සමානයත් 2001දී පද්ම භූෂණ සම්මානයත් 1984 දී පද්ම ශ්‍රී සමානයත් හිමිවෙනවා. ඊට අමතරව බොලිවුඩයේ සම්මාන උළෙල හැම එකකින්ම තමන්ගේ නමට බොහෝ සම්මාන හිමි කරගෙන තියෙන ඔහු 1973 දී ජයා බහදුරිත් එක්ක විවාහ වුණා. ඔහු වෙන කිසිවෙක් නෙවෙයි අභිෂේක් භච්චන්ගේ සහ ශ්වේතා භච්ච්න් නන්දාගේ පියා සහ අයිශ්වර්යා රායි භජච්චන්ගේ මාමණ්ඩිය ජය භච්චන්ගේ ස්වාමිපුරුෂයා වන අමිතාබ් භච්චන්. අමිතාබ් භච්චන් තමයි බද්ලා හින්දි සිනමාපටයේ බාදල්ගේ චරිතයට පණ පොවන්නේ. බාදල් ගැන දැන් දන්නවනේ. දැන් ඔබට කියන්නේ හදන්නේ නෛනා සෙති ගැනයි. නෛනාගේ චරිතයට පණ පොවන කෙල්ලව නම් මේ ටිකේ ගොඩාක් හින්දි සිනමාපටවලින් දකින්න ලැබෙන කෙනෙක්. මෙන්න මේ සිනමාපටවලත් මේ කියන්න හදන හැඩකාරිය තමයි ප‍්‍රධාන භූමිකාව රඟපාන්න හිටියේ.

Arrambam (2013), Pink (2016), Ghazi Attack (2017), Judwaa 2 (2017), Mulk (2018), 2015 Baby Shabana Khan, 2017 Running Shaadi, Naam Shabana, 2018 Dil Juunglee, Soorma, Manmarziyaan
1987 අගෝස්තු 01 වැනිදා ඉන්දියාවේ නව දිල්ලියේදී ඉපදිලා තියෙන මේ කෙල්ල දැන් පදිංචිවෙලා ඉන්නේ මුම්බායිවලයි. 2010 අවුරැද්දේ ඉඳලා නිළියක් වගේම නිරූපණ ශිල්පිනියක් විදියටත් ඇය වෘත්තියේ නියැළෙනවා. මළයාලම් තෙළිඟු සහ දමිළ සිනමාපට රාශියකින්ම දක්ෂතාවය පෙන්නල තියෙන ඇය නමින් තපස්සී පන්නූ. ඇය තමයි මේ සිනමාපටයේ නෛනාගේ චරිතයට පණ පොවන්නේ. අමිතාබ් භච්චන්, තපස්සී පන්නු එක්ක මේ සිනමපටය හැඩකරන්න ශාරුක් ඛාන්, සායිෆ් අලී ඛාන්ගේ කලින් බිරිඳ අම්රිතා සිං ඇතුළු තවත් බොහෝ පිරිසක් එකතු වෙලා ඉන්නවා. බද්ලා හින්දි සිනමාපටයේ කතාව 2017දී ස්පාඤ්ඤයේ තිරගත වුණු කොන්ට‍්‍රාටිම්පෝ ද ඉන්වෙසිබල් ගෙස්ට් (Contratiempo The Invisible Guest) කියන සිනමාපටයේ කතාවේ අනුවර්ථනයක් කියලා තමයි අපිට දැනගන්න ලැබුණේ. මේ සිනමපටය ස්කොට්ලන්තයේ ග්ලාස්ගොව්වලත් රූගත කළා කියලා තමයි ඉන්දියානු මාධ්‍ය නම් වාර්තා කරලා තිබුණේ. තව ඔබ දැනගන්න  ඕන විශේෂ කාරණයක් තියෙනවා. ඒ මොක්කද දන්නවද? 2019 පෙබරවාරි 12 වෙනිදා ශාරුක් ඛාන්ගේ සහ ගෞරී ඛාන්ගේ ප‍්‍රඩක්ෂන් ආයතනය වන රෙඩ් චිලී එන්ටර්ටේට්මන්ට් ආයතනය විසින් යූ ටියුබ් එකට බද්ලා හින්දි සිනමාපටයේ පූර්ව ප‍්‍රචාරක ට්‍රේලර් එකක් සිනමාපටය ප‍්‍රවර්ධනයට දමලා තිබුණු අතර පැයක් ගතවෙන්නට මත්තෙන් ඒක 250ක් වීව් තිබුණ අතර දවසක් ඇතුළත් මිලියන 10ක් පෙන්නලා වාර්තා පොත්වලට ඇතුළත් වෙලා තියෙනවා.

► Translation — Chandana Waravitage