2019 ජනවාරි 12 වන සෙනසුරාදා

දීපල්ලා..ලෙයට ලෙයක් !

 2019 ජනවාරි 12 වන සෙනසුරාදා, ප.ව. 12:30 62

ඉර නැගෙනහිර ආකාසෙන් එබිකම් කරන්න තව හෝරා කිහිපයක්ම තියෙනවා. ඒ අතරේ අන්ධකාර අහස් කුස දෙදරවමින් ගුවන් යානා කිහිපයක් එනවා. එකපාරටම මල් වෙඩි සංදර්ශනයක් වගේ හමුදා කඳවුරු භූමියක් ඒකාලෝක වෙමින් මහා හඬින් පිපිරීම් සිදුවෙනවා. මේ සිදුවීම වුණේ 2016 සැප්තැම්බර් 18 වැනිදා ඉන්දියාවේ කාශ්මීරයේ s Uri කියන බේස් කෑම්ප් එකේ. මේ කඳවුරට ත‍්‍රස්තවාදී ප‍්‍රහාරයක් එල්ල වෙන්නේ කිසි කෙනෙක්ට හිතාගන්නවත් ඉඩක් තියන්නේ නැතුවයි. ඒ හේතුව නිසා නින්දේ සිටි සහ ප‍්‍රහාරයක් බලාපොරොත්තුවෙන් නොසිටිය නිසා හමුදා සෙබළුන් බොහෝ පිරිසක් ජීවිතක්ෂයට පත් වෙනවා. 

මේජර් විහාන් ශෙර්ගිල් - මගේ සහෝදරයන් සහ මගේ දේශය වෙනුවෙන් දැන් මම සටන් නොකළොතින්, මම මාව මගේ දෑසින්ම දකින්නේ කොහොමද? මාව කොහේට යැව්වත් මම ඔබගේ හැම සෙබළෙක්ම කිසිම අනතුරක් වෙන්නේ නැතුව ඔබතුමා ගාවට අරගෙන එනවා.

අජිත් දෝවල් - පාකිස්තානයට තේරෙන්නේ කොයි භාෂාවෙන්ද එයාලගේ භාෂාවෙන්ම තේරුම් කරලා දෙන්න කාලය ඇවිල්ලා තියෙන්නේ. මම කිව්ව දේ තේරුණා නේද සර්ජිකල් ස්ට‍්‍රයික්.
මේ හමුදා කඳවුරක සිදුවීමක්. මෙතන තියෙන මේසයක් ඉස්සරහ සැකකරුවෙක් වාඩි කරලා ඔහුගේ දෑත්වලට මාංචු දමා තියෙනවා. ඔහු ඉදිරියේ සුරූපිනියක් වන නිලධාරිනියක් ඔහුගෙන් ප‍්‍රශ්න කරමිනුයි ඉන්නේ. 
යමී - සම්පූර්ණ ප‍්‍රහාරය හැන්ඩ්ල් කරේ කවුද?

සැකකාරයා - දන්නවනම් එපැයි කියන්න. එපා මගේ බෙල්ලත් හිරවෙයි.
යමී - වැඩිය දඟලන්න හැදුවොතින් තමුන්ගේ දිවත් කටෙන් එළියට ඇදලා දානවා.
අජිත් දෝවල් - දැන් ඉන්දියාව නිහඬව බලන් ඉන්නේ නැහැ. අලුත් ඉන්දියාවක් මේ. ඔවුන් හතුරගේ ගෙට රිංගලාම හතුරව මරලා දමාවී.
මේජර් විහාන් - වෙලාව ඇවිල්ලා තියෙන්නේ ලේවල පලිය ලේවලින් ගන්න.

හැමෝම තමන්ගේ රට ජාතිය සහෝදරයන් බේරගන්න සූදානම් නේද? හින්දුස්ථානයට ජයවේවා....

මේ ඔබට කිව්වේ 2019 ජනවාරි 11 වැනිදා ඉන්දියාවේ තිරගත වෙන Uri ද සර්ජිකල් ස්ට‍්‍රයික් කියන අලුත්ම සිනමාපටය ගැනයි. මේ හින්දි සිනමාපටය අධ්‍යක්ෂණය කරලා තියෙන්නේ ආදිත්‍ය ධාර් වන අතර නිෂ්පාදනය කරලා තියෙන්නේ රොනී ස්කෲවාලා. ආදිත්‍ය ධාර් විසින්ම ලියා ඇති මේ මේ සිනමාපටය 2016 Uri ඇටෑක් එක අනුසාරයෙන් තමයි ලියලා තියෙන්නේ. සප්ත ස්වරයෙන් මේ සිනමාපටය හැඩ කරලා තියෙන්නේ ශෂ්වත් සච්දේව් විසිනුයි. මේ හින්දි සිනමාපටය හැඩ කරන්න එකමුතු වෙලා ඉන්න ඔබ ආදරය කරන චරිතයන්ට පණ දෙන ඔවුන් ගැන කියන්නයි මේ සූදානම. මුලින්ම ඔබට කියන්න හදන්නේ මේජර් විහාන් ශෙර්ගිල් ගැනයි. මේ චරිතයට පණ පොවන්නේ මෙන්න මේ සිනමාපටවලින් ඔබට විවිධ චරිතයන්ගෙන් ඔහුගේ දක්ෂතා පෙන්නලා තියෙන ඔහුයි.

Masaan (2015), Raman Raghav 2.0 (2016), 2018 -  Raazi and Sanju, Chicken Khurana (2012) Bombay Velvet (2015), Geek Out (2013)

1988 මැයි 16 වැනිදා ඉන්දියාවේ මහාරාෂ්ට‍්‍රා ප‍්‍රාන්තයේ මුම්බයිවලදී ඉපදිලා තියෙන මොහු 2012 වසරේ පටන් හින්දි සිනමා නළුවෙක් විදියට තමන්ගේ වෘත්තීය ජීවිතය ආරම්භ කළා. 2012 දී තිරගත වුණු අනුරාග් කශ්‍යප්ගේ ගැන්ග්ස් ඔෆ් වසීපූර් කියන හින්දි සිනමාපටයේ සහායකයෙක් විදියට සිනමාවට එකතු වන ඔහු  Masaan (2015) තමන් රංගනයෙන් එකතු වන පළමු සිනමාපටයෙන්ම අයිෆා සිනමා සම්මාන උළෙලෙන් හොඳම නැගී එන නළුවාට හිමි සම්මානය තමන්ගේ නමට වෙන කරගන්න දක්ෂයෙක් වුණා. ඔහු නමින් විකී කෞශාල්. ඊ ගාවට කියන්න හදන්නේ අජිත් දෝවල් ගැනයි. ඔහුනම් ඔබ හොඳින්ම දන්න කෙනෙක්. 1950 මැයි 30 ඔහු ඉපදෙන්නෙත් මුම්බයිවලදී. ඒත් මුම්බායි නගරය ඔහු ඉපදෙන කාල වකවානුවේදිනම් හැඳින්නුවේ බොම්බේ කියලයි. 1984 වසරේ පටන් හින්දි සිනමාවට එකතු වෙලා ඉන්න ඔහුව 2014 වසරේදී පද්ම ශ්‍රී සම්මානයෙන් පිදුම් ලබන අතර ෆිල්ම් ෆෙයාර් සහ නැශනල් ෆිල්ම් අවෝර්ඩ් ඇතුළු විවිධ සිනමා සම්මාන උළෙලවලින් බොහෝ සිනමා සම්මාන ප‍්‍රමාණයක් තමන්ගේ නමට වෙන් කරගන්න සමත් වෙලා තියෙනවා. විටෙක ඔහු දුෂ්ටයෙක්, තවත් විටෙක ආදරණීය මනුස්සයෙක්. තවත් විටෙක  සමාජ සාධාරණය වුනුවෙන් පෙනී හිටින කෙනෙක්. ඒ වගේම ඔහු 2014 ඉඳලා ඔහු ඉන්දියාවේ ලෝක සභාව නියෝජනය කරන ප‍්‍රභල දේශපාලකයෙක් ද වෙනවා.

මේ සිනමාපටයේ හමුදා සෙබළියකගේ චරිතයට පණ පොවන්නේ හැඩකාර කෙල්ලෙක්. ඇය කවුද දන්නවද? මෙන්න මේ සිනමාපටවලින් ඔබ ඇයව දැකලා තියෙනවා. 

2012, Vicky Donor. Action Jackson (2014), Badlapur (2015), Sanam Re (2016)  Kaabil (2017).

1988 නොවැම්බර් 28 වැනිදා ඉන්දියාවේ හිමාචල් ප‍්‍රදේශ්වල බිලාස්පූර්වල ඉපදුණු ඇය මේ වෙද්දිනම් ජීවත් වෙන්නේ ඉන්දියාවේ මුම්බායි නගරයේ. 2008 වසරේ පටන් ඇය සිනමා නිළියක් වගේම නිරෑපණ ශිල්පිනියක් ලෙසින් ද කටයුතු කරනවා. ඇය මුකේශ් ගෞතම්ගේ සහ අන්ජලී ගෞතම්ගේ දියණිය යමී ගෞතම්. ඇය හින්දි සිනමාපටවලට අමතරව කණ්ණඩා, තෙළුඟු, පන්ජාබ්, මළයාලම් සහ දමිළ සිනමාපටවලත් රංගනයේ යෙදෙනවා. යමීගේ තාත්තා පන්ජාබ් සිනමාවේ අධ්‍යක්ෂවරයෙක්. යමී ගෞතම්ට අමතරව මේ සිනමාපටයේ කීර්තී කුල්හරී, මෝහිත් රයිනා, ඉවාන් රොඩි‍්‍රගෝ, යොගේෂ් සෝමන්, සහ මන්සි පරේඛ් ඇතුළු නළු නිළියන් රාශියක් විවිධ චරිතයන්ට පණ දීම කරනවා. මේ සිනමාපටයේ තියෙන සුන්දර මන බඳින කර්ණ රසානයනයෙන් සපිරි ගීතයන් ලියලා තියෙන්නේ කුමාර්, රාජ් ශේකර් සහ අභිරුචී චාන්ද්ශාන්තනූ. ඒ ගී පදමාලාවන්ට පණ දෙන්න තමන්ගේ රමණීය හඬ මුසු කරලා තියෙන්නේ රොමී, විවේක් හරිහරන්, ශෂ්වත් සච්දේව්, යසීර් දේසායී, දේව නේගී, ඩැලර් මේහ්න්දී සහ දී එම් සී විසිනුයි.

 

► Translation — Chandana Waravitage