වාත - සංගීතය

ආණ්ඩුවෙ ලොකුම පට්ටම් දරණ උදවියට වෙන් කරපු මහල් නිවාසයක් තියෙනව. ඒක තියෙන්නෙ බම්-බල පිටිය පැත්තෙලු...

ඉතින් මේකෙ ආණ්ඩුවෙ ලොකුම නිලමෙලට අමතරව විපක්ෂයෙ ලොකුම පට්ටමක් දරණ උඩරට ලොක්කකුටත් නිවසක් වෙන් කරල තියෙනව...

නමුත් කොළඹ එයාට ගෙයක් තියෙන නිසා ඒ ගෙදරට උන්නැහේ ගිහින් නැහැ...

නමුත් එයාගෙ පාටියෙ ඉන්න රැඩිකල් ‘බණ්ඩාර’ කෙනකුට ගෙදර නවතින්න අවසර දීල කියලයි ආරංචි...

එයා මේ ගෙදර පදිංචියට ආවට පස්සෙ ඒ නිවාස සංකීර්ණෙ ඉන්න අයට වාතයක් වෙලා කියල පැමිණිලි කෝටියයි. පස්සෙ ඒ ගැන සොයල බලනකොට මෙයා හැමදාම වගේ රෑට රෑට පවත්වන සාද සහ සංගීත වැඩ නිසා අනිත් ගෙවල්වල අයට ඒක ලොකු කරදරයක්ලු. ඒ නිසා මේ ඝෝෂාව නවත්තන්න කියල අහළ පහළ උදවිය ගෙවල් අයිති ඇමැති තැනට කරදර කරන්න පටන් අරන්ලු. ඒ පැමිණිලිකරුවන් කියන්නෙ අනුන්ගෙ ගේකට ඔළුව දාගෙන අහළ පහළ අයටත් වාත වෙච්ච මෙයාට වහාම ඇක්ෂන් ගන්න කියලලු.

දැන් මේ කතාව විෂය භාර ඇමැතිතුමාටත් වාතයක් වේගෙන එන බවයි ආරංචි.