2019 නොවැම්බර් 02 වන සෙනසුරාදා

ජ්‍යෙෂ්ඨ පිංවතාගෙ ආතල් වැඩ

 2019 නොවැම්බර් 02 වන සෙනසුරාදා, ප.ව. 12:30 1365

අනුරාගයේ මුල්පොත නිතරම කියවන කොළඹට කිට්ටු ආසනේකින් පත්වුණ ඇමැති සයිස් මහත්තයෙක් ඉන්නවා....

ආතල් ගැනීමේදී වියපත් බව සුවපත් කරගන්න දන්න මේ ජ්‍යෙෂ්ඨ දේසපාලුතුමා මේ දවස්වල තියෙන මරාගන්න ඡන්ද සටන අස්සෙත් තමන්ගෙ ආතල් කටයුතු නවත්තලා නැහැ...

සංචාරයට ප්‍රිය ආගමටත් බර මුන්නැහේ පසුගිය දවසක හැන්දැකරේ කොල්ලුපිටිය පැත්තෙ මුහුද පේනමානෙ තියෙන තට්ටු හෝටලේකදී මාර සන්ධ්‍යාවක් ගතකළා.... ඔය කියන හෝටලේ පස්වෙනි තට්ටුවෙ තියෙන අංක 2 අංක 3 සඳහන්වන කාමර දෙකක් උන්නැහේ වෙනුවෙන් වෙන්කරලා තිබ්බ. ඒක කළේ උන්නැහේගෙ ආතල් ව්‍යාපෘති සංවිධායක තැන විසින්....

ඔන්න නියමිත දවසෙ සවස හතට විතර උන්නැහේ ටී ෂර්ට් එකකින් සැරසිලා කසිකබල් රබර් සෙරෙප්පු දෙකක් දාගෙන ආරක්ෂකයොත් නැතුව අනාරක්ෂිතව (බයේ බෑ) මේ හෝටලේට සම්ප්‍රාප්ත වුණා. කලබලේට ආපු ගමනෙදි කාමරේට රිංගන කොට උස වැඩිකමට උළුවස්සෙ ඔළුවත් හැපුණෙ නැතෑ... ඔන්න ඒ පාර එයා ඇතුළට ගියාම එතකන අල්ලපු කාමරේ රැඳිලා හිටපු චීන, ඉන්දියන්, තායි, පිලිපීන් හා ලංකාවෙ තරුණ සුන්දර ලලනාවො හත් දෙනෙක් සෙමෙන් සෙමෙන් මේ කාමරේට ඇන්ටර් වුණා. ඊටපස්සෙ එළියෙ හිටපු අයට ඇහුණෙ නොයෙක් සද්ද බද්ද කෑගැසීම් පමණයි....

ටික වේලාවකින් විස්කි බ්‍රැන්ඩි ජින් සමඟ රසවත් ආහාරපාන ආදියත් කාමරේට ලැබුණෙ නැතෑ...

කොහොම හරි පැය තුන හතරක් මේ විදියට සුන්දර ලලනාවො හත් දෙනෙක් එක්ක සෞම්‍ය සන්ධ්‍යාවක් ගතකළ මේ ජ්‍යෙෂ්ඨ පිංවතා.... තමන්ගෙ වැඩකටයුතු ඉවර කරලා හොරෙන්ම මාරැවෙන්න හිතාගෙන හෝටල් දොරටුව ළඟට එනකොට කරැමෙට හොඳට දන්න කියන පොරක් මාට්ටු වුණා. කොහෙද මේ බෑරක්ද? යාළුවා ඇහුවා.....

දන්නැත්ද අප්පා මිනිස්ට්‍රි සාකච්ඡා හැමදාම... දැන් ඉවර වුණේ? උන්නැහේ යාළුවට කිව්වා.

ඒත් මේ ටී ෂර්ට් ඇඳලා සෙරෙප්පු දාගෙන? කියලා මිත්‍රයා අරයට ඕන නැති ප්‍රශ්නයක් යොමුකළා.

අයිෂෙ මේ දවස්වල හරියට ඡන්ද වැඩ... මම මේ ආවෙත් ඡන්ද වේදිකාවෙ ඉඳලා.... යන්නෙත් තවත් රැස්වීමකට... ඉවරයක් නැහැ... එපාවෙලා තියෙන්නෙ කියලා උත්තර දෙමින් එයා වාහනේට නැග්ගා....

ඒත් ඒ උත්තරේ ගැන යාළුවා සැකෙන් වගේ බැලුවෙ.... මේ දේශපාලුතුමාගෙ ටී ෂර්ට් එකේ ගෑවිල තිබුණ ලිප්ස්ටික් පාරක් දැකලයි....