රාජන් හූල් ගැන පොලිස් පරීක්ෂණයක්!

ආරක්ෂක වාර්තාකරු I

මැතිවරණ කොමිසමේ සාමාජික ආචාර්ය රත්නජීවන් හූල් මහතා සම්බන්ධයෙන් පොලිස් පරීක්ෂණයක් ආරම්භ කර ඇතැයි පොලිස් ආරංචි මාර්ග කියයි. යාපනය සහකාර මැතිවරණ කොමසාරිස්වරයාට අයත් වාහනයකින් ඇඳිරිනීති බලපත්‍ර නොමැතිව තමන්ගේ පවුලේ සාමාජිකයකු ප්‍රවාහනය ඇතුව කාරණා ගණනාවක් සම්බන්ධයෙන් මෙම පරීක්ෂණය ක්‍රියාත්මක කෙරෙන බව වාර්තා වෙයි.

යාපනය පොලීසිය විසින් මෙහි මූලික පරීක්ෂණ කටයුතු මෙහෙයවනු ලබන බව පොලිස් ආරංචි මාර්ග වැඩිදුරටත් කියයි. 
එසේම හූල් මහතාගේ දියණිය නියමිත නිරෝධායන නීති හා ක්‍රියා පටිපාටිය උල්ලංඝනය කරමින් මැතිවරණ කොමිසමේ කාර්යාලය වෙත කැඳවාගෙන ඒම ගැනද මැතිවරණ කොමිසමේ නිලධාරීන් ඔහුට විරෝධය පලකර තිබිණි. ඒ සම්බන්ධයෙන්ද සමාජ ජාලාවල දැඩි විවේචන පලවිය.