ආණ්ඩුකාරවරුන්ට රට ගමන් තහනම්

I දේශපාලන වාර්තාකරු

පවත්නා ආරක්ෂක තත්ත්වය මත පළාත් ආණ්ඩුකාරවරුන් කිසිදු හේතුවක් නිසා හෝ විදේශ ගතවීම අත්හිටුවමින් ජනාධිපතිවරයා නියෝගයක් නිකුත් කර තිබේ. 

ඔහු මෙම නියමය කර ඇත්තේ පසුගිය බ්‍රහස්පතින්දා පැවති ආණ්ඩුකාරවරුන්ගේ විශේෂ සාකච්ඡාවකදීය.

පවත්නා ආරක්ෂක තත්ත්වය නිසා ආණ්ඩුකාරවරු සිය බල ප්‍රදේශවල රැඳෙමින් ප්‍රාදේශීය පළාත් පාලන ප්‍රධානීන් සමඟ එක්ව අවශ්‍ය රාජකාරි කටයුතු සංවිධානය කළ යුතු යැයිද ජනපතිවරයා පැවසීය. ආණ්ඩුකාරවරුන්ට කොළඹට පැමිණිය හැක්කේද තමන් කැඳවූවොත් පමණක් යැයි ජනාධිපතිවරයා පවසා තිබේ.