කෝටි 45000ක සංචාරක ආදායම සුන්
I සංජීවිකා සමරතුංග
ත්‍රස්ත ප්‍රහාරය නිසා සංචාරක ඇණවුම් අවලංගු වීමෙන් දළ වශයෙන් අමෙරිකානු ඩොලර් කෝටි 250ක පමණ පාඩුවක් මේ වසරේ මෙරටට සිදුවනු ඇතැයි රජය තාවකාලිකව ගණන් බලා ඇත. මෙය රුපියල් කෝටි 45,000 ඉක්මවන ප්‍රමාණයකි.
පසුගිය 2018 වසරේ ශ්‍රී ලංකාවට සංචාරකයෝ ලක්ෂ 24ක් පමණ පැමිණියහ. ඔවුන්ගෙන් අමෙරිකානු ඩොලර් කෝටි 450ක පමණ ආදායමක් රටට හිමිවිය. 2019 වසරේ සංචාරකයන් ලක්ෂ 26කට අධික පිරිසක් පැමිණෙතැයි අපේක්ෂා කෙරුණේ අප රට ලොව හොඳම සංචාරක ගමනාන්තය ලෙස ඉහළම තත්ත්වයට පත්වීම නිසාය. ඒ අයගෙන් අමෙරිකානු ඩොලර් කෝටි 550ක පමණ විදේශ මූල්‍ය ආදායමක් අපේක්ෂා කෙරිණි. එහෙත් ත්‍රස්ත ප්‍රහාරයෙන් පසු සංචාරක ඇණවුම් 50%ත් 60%ත් අතර ප්‍රමාණයක් අවලංගුව ඇත. ඇතැම් ප්‍රධාන පෙළේ හෝටල්වල සංචාරක ඇණවුම් 90%ක් පමණ අවලංගු කර තිබේ.
විදේශ සංචාරකයන් මෙන්ම දේශීය සංචාරකයන්ද සිය ඇණවුම් අවලංගු කර ඇති බැවින් හෝටල් ක්ෂේත්‍රය ප්‍රබල මූල්‍ය අර්බුදයකට මුහුණ දෙනු ඇති බව මේ ගැන දේශයට කරැණු දැක්වූ මුදල් අමාත්‍යංශ ජ්‍යෙෂ්ඨ ප්‍රකාශකයෙක් සඳහන් කළේය