2019 අප්‍රේල් 06 වන සෙනසුරාදා

හමුදා කෑම්ප් නිරීක්ෂණයට එක්සත් ජාතීන් අවසර ඉල්ලයි

 2019 අප්‍රේල් 06 වන සෙනසුරාදා, ප.ව. 12:30 179

සංජීවිකා සමරතුංග l

එක්සත් ජාතීන්ගේ මානව හිමිකම් කොමිසමේ ක_රත්වය හා වදහිංසා පිළිබඳ නිරීක්ෂණ කමිටු සාමාජිකයන් මෙරට ආරක්ෂක කඳවුරු ගණනාවක් නිරීක්ෂණයට අවසර ඉල්ලා ඇත. විශේෂයෙන් උතුරේ දැනට පවත්වාගෙන යන රුඳවුම් කඳවුරු 4ක් නිරීක්ෂණයට අවශ්‍ය බව ඔවුහු රජයට දන්වා තිබුණි.

එ‍හෙත් යුද හමුදාව හා නාවික හමුදාව විසින් පවත්වාගෙන යන මෙම කඳවුරු පරීක්ෂාවට ඉඩදීමට තමන් විරුද්ධ බව එකී හමුදාවල හමුදාපතීන් ආරක්ෂක අමාත්‍යංශයට දැනුම් දුන් බව හමුදා ආරංචිමාර්ග කියයි.

එනිසා විශේෂිත හේතු මත සිද්ධියෙන් සිද්ධිය වෙනම ගෙන එ.ජා. කමිටුවේ ඉල්ලීම ඉටුකළ හැකිද යන්න ගැන තීන්දු ගැනීමට රජය තීරණය කර ඇත.

ක_රත්වය හා වදහිංසා පිළිබඳ විශේෂඥයකු බව කියන ආර්මෙන් ඇවස්ටියන් මහතාගේ ප්‍රධානත්වයෙන් යුත් මෙම නිරීක්ෂණ කමිටුව ලංකාවට පැමිණ ඇත්තේ රජය සමඟ අත්සන් කළ ගිවිසුමක් අනුව බවද වාර්තා වෙයි.